baki hai aaj bhi zamini kalakar

us din mai roz ki tarah hi assignment per gai thi. kalidas rangalaya me natak hona tha bhikhari thakur ka videsiya. , man me lalak thi ki kisi tarah natak ko dekhu. apne editor se kaha bhi tha ki mai ise purana kalakaro aur naye kalakaro se compair karke likhungi. per jaise hi natak shuru hua meri sari ki sari soch dhari ki dhari rah gai. kyoki natak ko perform krne wale jyadatar kalakaro me we kalakar the jinhone bhikhari thakur ke sath kaam kiya tha. budhi umra me aisa samrpan ki naye kalakar bhi sharma jae. natak me wahi parmprikta ki tazgi thi. sare kalakar male person the even mahilao ke kirdar ko bhi we pusush kalakar hi nibha rahe the. ramchandra manjhi jb pyari sundari ke rup me mach per utre tb dailog aaya bhojpuri me, batohi hamar piya bhaile bidesiya. itna kahna tha ki pura hall taliyon se gunj pada. yahi nahi ghunghat ke pichhe se adhkhule chehre ki vedna ki jhalak bhi itna spast thi mano us wakt sach me koi virah ki mari stri ho jiska pati na sirf bahar kamane chala gaya ho blki ek parai stri ke moh me fansh gaya ho. yahi nahi jitne bhi mahila kalakaro ke patra gade gaye sbko un purush kalakaro ne bakhubi nibhaya. iske alawa jo gane wale the unka to kya kahna. sautin se kahe naina ladwle re bidesiya. virah ke ek ek kan jaise swro se fut rahe the adbhut chhan tha wah chaha bahut kuchh likhu un kalakaro per. us saili per jisme sirf ladko ko hi kaam diya jata hai aur fir puri tarah samrpan ka wh bhav jisme kalakar dube nazar aae, per afsos us din akhabar me jagah hi kam thi so bs khabar matra lag gai, lekin fr bhi mujhe is baat ki khushi thi ki kam se kam sachche kalakaro ko dekh to rahi hu. mil to liya...